TOShKENT, 17 fev — Sputnik. Sputnik radiosiga bergan intervyusida Viktor Markov Rossiyaning Markaziy Osiyo mintaqasida neft-gaz sohasida olib borayotgan hamkorlik istiqbollari haqida so‘zladi.
Eskpertga ko‘ra, Markaziy Osiyodagi beshta davlat ichida Rossiya O‘zbekiston va Qozog‘iston kompaniyalari bilangina yaqin aloqalarni yo‘lga qo‘ygan.
"O‘zbekistonga keladigan bo‘lsak, u yerda allaqachon gaz qazib olishda, shuningdek, qisman bo‘lsa-da, neft qazib olishda ham ishtirok etayotgan "Lukoyl" o‘z ishini faol davom ettirmoqda. Bundan tashqari, Qozog‘istonda katta ishlar olib borilmoqda. Tojikiston va Turkmanistonda esa vaziyat murakkabroq. Bu yerda Xitoyning ham o‘rni salmoqli", — deb ta’kidladi Markov.
Rossiyaning ushbu mintaqadagi asosiy raqobatchisi — Xitoy haqida gapirar ekan, tahlilchi, u elektrenergiyaga talabi yuqori bo‘lgan ulkan mamlakat ekanligini ta’kidladi. "Shu bois, Xitoy, energya resurslarini xarid qilish bilan cheklanmasligi tabiiy, u butun dunyo bo‘ylab foydali qazilmalar razvedkasida va qazib olish jarayonida ishtirok etayotgan kompaniyalar tarmog‘ini yaratmoqda", — qo‘shimcha qildi ekspert.
