TOShKENT, 16 fev — Sputnik. Rossiya Mudofaa vazirligi Harbiy universiteti o‘qituvchisi, iste’fodagi polkovnik Oleg Kulakov sobiq Ittifoq tomonidan Afg‘onistonda o‘tkazilgan harbiy operatsiyani va hozirgi kunda u yerda bo‘lib turgan Amerika harbiylari holatini solishtirdi.
Kulakovga ko‘ra, SSSRni Afg‘onistonda mag‘lubiyatga uchragan, deb hisoblab bo‘lmaydi.
"Barcha harbiy topshiriqlar bajarilgan. Ammo bu siyosiy barqarorlikka olib kelmadi, va bu boshqa masala", — dedi Oleg Kulakov Sputnik radiosi efirida.
Mutaxassisning so‘zlariga ko‘ra, amerikaliklar ham shunday muammoga duch kelishgan.
"Ular bizning xatolarimizni takrorlashmoqda: qanchalik bosimni kuchaytirishayotgan bo‘lsa, qarshilik shu darajada kuchaymoqda. Ular hech narsaga erisholmaydi. Dastlab qarama-qarshiliklar paydo bo‘ladi, aynan shular keyinchalik siyosiy ta’sirga erishishga yo‘l qo‘ymaydi", — deya izoh berdi harbiy ekspert.
Kulakov boshqa mamlakatning harbiy kontingenti mahalliy hokimiyat uchun hamisha siyosiy qo‘zg‘atuvchi bo‘lib qolishini ta’kidladi.
