TOShKENT, 15 yanv — Sputnik. AQSh Markaziy Osiyodagi mamlakatlarning birida "S5+1" formatidagi (O‘zbekiston, Qozog‘iston, Qirg‘iziston, Tojikiston, Turkmaniston tashqi ishlar vazirlari va AQSh Davlat kotibi) uchrashuv o‘tkazmoqchi. Bu haqda AQSh Davlat kotibi yordamchisining birinchi o‘rinbosari Elis Uells bayonotiga tayangan holda RIA Novosti xabar bergan.
"Ushbu format konstruktiv va samarali bo‘lib qolmoqda. Avvalgi ma’muriyat tomonidan yo‘lga qo‘yilgan bu format AQSh prezidenti Donald Tramp tomonidan ham to‘la qo‘llab-quvvatlanmoqda. Davlat kotibimiz Reks Tillerson Nyu-Yorkda o‘z hamkasblari bilan bu doirada uchrashgandi. Kelgusida Markaziy Osiyoda shunday uchrashuv o‘tkaziladi. Bu loyihani mustahkamlash uchun AQSh Kongressi 15 million dollar mablag‘ ajratgan", — deb ta’kidlagan, degan Elis Uells telefon orqali o‘tkazilgan brifing davomida.
Uning so‘zlariga ko‘ra, Amerika Qo‘shma Shtatlari Markaziy Osiyo birlashayotgani va mintaqaning umumiy muammolarini hal qilayotganidan xursand.
