Ijtimoiy tarmoqlarda o‘lim bilan yakunlanadigan fleshmob tobora ommalashmoqda

TOShKENT, 13 yanv — Sputnik. Internetda oxiri o‘lim bilan yakunlanishi mumkin bo‘lgan fleshmob yashin tezligida ommalashmoqda — o‘smirlar kir yuvish uchun mo‘ljallangan gellarni chaynab, "tanovvul" jarayonini Internet tarmog‘iga qo‘yishmoqda va "estafeta"ni o‘z do‘stlariga va tanishlariga uzatishmoqda. Bu haqda Fox News telekanali xabar berdi.

Tibbiyot xodimlari kir yuvish kapsulalari tanovvul uchun yaroqsiz va o‘ta zaharli ekanligi to‘g‘risida ogohlantirishmoqda — ular tarkibida etanol, polimerlar va vodorod peroksidi bor. Ularni yutish — ich ketish va ko‘ngil aynishini keltirib chiqarishi mumkin, ba’zi holatlarda esa hatto o‘limga olib kelishi aytilmoqda.

Fleshmob ishtirokchilaridan biri telekanalga bergan intervyusida kapsulalarning xavfi haqida oldindan bilganini aytgan. Ammo, "estafeta"ni qabul qilgani uchun, tabletkani yeyishga qaror qilgan.

"Odamlarning aksariyati men uchiga chiqqan ahmoq ekanimni aytishar, yoki nega men bu ish bilan shug‘ullanayotganimni so‘rashar edi", — deb hikoya qilgan yigit.

Fox News xabariga ko‘ra, fleshmob, hajviy nashrlardan birida e’lon qilingan hazil video tufayli ommalashga bo‘lishi mumkin. Videoda ko‘rinishi ishtahali bo‘lgani uchun gel-tabletkalarni ishtaha bilan "yuayotgan" erkak tasvirlangan.