TOShKENT, 19 dek – Sputnik. Rossiya prezidenti Vladimir Putin Kremlda MDH davlatlari xavfsizlik organlari va maxsus xizmatlari rahbarlari bilan uchrashdi. Bu haqda Rossiya prezidentining matbuot xizmati xabar berdi.
U so‘zi avvalida MDH davlatlari xavfsizlik organlari va maxsus xizmatlari rahbarlari Kengashining 43-yig‘ilishi qatnashchilarini qizg‘in qutladi.
"Dunyoda vaziyat judayam keskinlashib ketdi va Rossiya Qurolli kuchlarining samarali harakatidan so‘ng terrorchilar qayerga qochishlari va qaytishlari bizni befarq qo‘ymaydi. Bu oqim qaysi tomonga yo‘nalayotganligi va uning davlatlarimiz va xalqlarimiz uchun qanchalik tahdid solishini tushunamiz. Shu sababli ham o‘zaro hamkorligimiz muhim o‘rin tutadi", dedi Putin.
Putin shuningdek, o‘ta xavfli jinoyatchilar ro‘yxatini tuzish, uyushgan jinoyatchilik, noqonuniy migratsiya va boshqa muammolarga ham to‘xtalib o‘tdi.
