TOShKENT, 19 dek — Sputnik. Buxoro viloyatida barcha shahar va tumanlarda nogironlar, boquvchisini yo‘qotgan va ijtimoiy ko‘makka muhtoj oilalar uchun uy-joylar qurib foydalanishga topshirilmoqda, deb xabar qildi viloyat matbuot-xizmati.
Viloyat bo‘yicha joriy yilda jami 102 nafar uy-joyga muhtoj nogiron va mehnatga layoqatliligi cheklangan fuqarolar ro‘yxati tuzilgan bo‘lsa, shundan 70 nafariga yil yakuniga qadar yangi qurilgan arzon uy-joylar topshirilishi rejalashtirilgan.
Qolaversa, bunday insonlarning yashash sharoitlari ham o‘rganib chiqilib, uy-joylarning boshlang‘ich badallari uchun jami 283 mln so‘m mablag‘lar fuqarolarning viloyat "Qishloq qurilish" bankida ochilgan hisob raqamlariga o‘tkazildi.
Tadbirda O‘zbekiston respublikasi Oliy Majlis Senat a’zosi, viloyat hokimi O‘.Barnoyev, bir guruh respublikadan tashrif buyurgan mutasaddilar, viloyat, tuman hokimligi rahbarlari va jamoatchilik vakillar ishtirok etishdi.
