TOShKENT, 16 dek – Sputnik. O‘zbekiston prezidenti Shavkat Mirziyoyev Qoraqalpog‘istonga tashrifi davomida xorijda ishlab vatanga qaytib kelgan doktorga mashina sovg‘a qildi. Bu haqda kruz.uz xabar bermoqda.
Xabarda aytilishicha, prezident Xo‘jayli tumanida barpo etilayotgan zamonaviy logistika markazida bo‘lgan hamda "Panaev Farms" fermer xo‘jaligi rahbari Qutlimurat Panayev bilan suhbatlashgan. Suhbat davomida Panayev Germaniyada 11-yil davomida chorvachilik bo‘yicha ishlagan doktor Alisher Qurbanovni Qoraqalpog‘istonga qaytarib, unga barcha imkoniyatlarni yaratib bergani va u bugungi kunda fermada menejer lavozimida ishlayotganini bildirgan.
"Shavkat Mirziyoyev Alisher Qurbanovga yurtimizga qaytib ishlayotgani uchun Kaptiva avtomashinasini sovg‘a qildi", deyiladi xabarda.
