TOShKENT, 15 dek — Sputnik. Joriy yilning 14-dekabr kuni Tashqi savdo vazirligida Markaziy Osiyo va Janubiy Osiyo bo‘yicha savdo vakili yordamchisi M.Linskott bilan uchrashuv bo‘lib o‘tdi.
Shuningdek, uchrashuv chog‘ida tomonlar O‘zbekiston Respublikasining Butun jahon savdo tashkilotiga kirishiga oid masalalarni muhokama qildilar. Bundan tashqari, O‘zbekiston AQShning tarif preferensiyasi umum tizimi va intellektual mulkni huquqiy himoyalash bo‘yicha a’zoligiga tegishli masalalarni atroflicha ko‘rib chiqdilar.
O‘zbekiston Respublikasining Butunjahon savdo tashkilotiga a’zo bo‘lish jarayoniga texnik yordam ko‘rsatish bo‘yicha kelishuvlarga erishildi. Ushbu masalalarni amalga oshirish maqsadida O‘zbekiston Respublikasi Tashqi savdo vazirligi xodimlari va AQShning savdo vakolatxonasi ofisi bilan doimiy aloqa o‘rnatilishiga kelishib olindi.
