TOShKENT, 9 dek — Sputnik. Serikbay hoji Oraz Qozog‘iston oliy muftiysi etib saylandi. Sputnik Qozog‘istonning xabar berishicha, uning nomzodini Qozog‘iston musulmonlari idorasi raisi Yerjan hoji Malgajiuli taklif etgan.
Qurultoyda qatnashgan 300 nafar delegat Serikbay hoji Orazning nomzodini bir ovozdan ma’qullagan.
Serikbay Satibaldiuli 1975-yilda tug‘ilgan.
1992 yilda Toshkentdagi madrasani tamomlagan. 1992-yildan 1994-yilga qadar Misrdagi Al-Azhar universitetida o‘qigan. 1995-1996 yillarda Islomobod universitetida ta’lim olgan. 2014-yilda Misrdagi islom madaniyati universitetida o‘qigan. Qustanay muhandislik-iqtisodiyot universitetining menejment yo‘nalishi magistraturasini tamomlagan.
Serikbay hoji Oraz Almati masjidida imom noibi, Islom universiteti rektori, "Hazrat Sulton" masjidining bosh imomi bo‘lib ishlagan.
