TOShKENT, 6 dek — Sputnik. O‘zbekiston Markaziy banki konversion kartalaridan foydalanish bo‘yicha cheklovlarni bekor qildi, deb xabar qildi ushbu bank matbuot xizmati.
Jismoniy shaxslar tomonidan xorijda bankomatlarda naqd pul yechish bo‘yicha kunlik va oylik cheklovlar, shuningdek konversion kartalar yordamida to‘lovlar amalga oshirish bo‘yicha cheklovlar bekor qilindi.
Endi konversion kartalardan dunyoning barcha mamlakatlaridagi har qanday do‘konlar, mehmonxonalarda foydalanish mumkin.
Konversion kartalar bilan davolanish, ta’lim va boshqa operatsiyalarni bajarish uchun O‘zbekistondagi bankdan to‘g‘ridan-to‘g‘ri hujjatlar (invoys) asosida amalga oshirish mumkin.
Konversion kartalar yordamida mehmonxonalar, aviachiptalar, onlayn-do‘konlarda va boshqa tovarlar va xizmatlarni xarid qilish mumkin.
Karta orqali savdo qilinganda olinadigan komission to‘lov — o‘tkazmaning 0,5 foizdan 1 foizgacha kamaytirildi.
Bundan oldin, valyuta sotib olish uchun mo‘ljallangan konversion kartalar yordamida faqatgina xorijda to‘lovlarni amalga oshirish va cheklangan miqdorda naqd pul yechib olish mumkin edi.
