TOShKENT, 5 dek — Sputnik. Sotuvga sobiq "Buxoro Palas" mehmonxonasi va inshootlari sotuvga qo‘yildi. Savdolarga xorijiy sarmoyadorlar taklif qilinmoqda.
Davlat raqobat qo‘mitasi matbuot xizmati ma’lumotiga ko‘ra, lotning boshlang‘ich narxi 26,4 milliard so‘mni tashkil qiladi.
Yerning umumiy maydoni — 1,9 gektar, bino va inshootlarning maydoni — 8581,2 kvadrat metrdan iborat.
Mehmonxona Buxoro shahri hokimiyati balansida.
Ta’kidlab o‘tamizki, "Buxoro Palas" mehmonxonasi va inshootlari O‘zbekiston prezidentining 2017-yil 19-maydagi qaroriga asosan xorijiy sarmoyadorlarga sotiladi.
Auksion savdolari 2017-yil 20-dekabr kuni davlat raqobat qo‘mitasi Buxoro viloyati boshqarmasi binosida o‘tkaziladi. Xaridorlar boshlang‘ich narxning 10 foizdan kam bo‘lmagan garov mablag‘ini o‘tkazib berilishi talab etiladi.