TOShKENT, 5 dek — Sputnik, Dilshoda Rahmatova. Afg‘oniston O‘zbekiston bilan eng yaqin va yirik savdo-iqtisodiy hamkor bo‘lishni istaydi, dedi "Ko‘ksaroy"da OAV vakillari bilan uchrashuvi chog‘ida Afg‘oniston prezidenti Ashraf G‘ani.
Eslatib o‘tamiz, Afg‘oniston prezidentining O‘zbekistonga tashrifi doirasida umumiy qiymati 500 million dollardan ziyod bo‘lgan 40 dan ortiq eksport shartnomasi imzolandi.
Shu jumladan, O‘zbekiston va Afg‘oniston savdo-sanoat palatalari o‘rtasida anglashuv memorandumi imzolanganligi haqida xabar qilindi.
Yuz yillik tanaffusdan so‘ng O‘zbekiston prezidenti Shavkat Mirziyoyev tashabbusi bilan tiklanayotgan munosabatlar o‘zbek-afg‘on xalqining porloq kelajagi uchun mustahkam poydevor bo‘lib xizmat qilishi e’tirof etilmoqda.
