Mirziyoyev "Toshkent" xalqaro aeroportida amalga oshirilayotgan ishlar bilan tanishdi

© Press-slujba prezidenta TatarstanaMejdunarodniy aeroport Tashkenta
Mejdunarodniy aeroport Tashkenta - Sputnik O‘zbekiston
Obuna bo‘lish
Shavkat Mirziyoyev xalqaro yo‘nalishlarda uchib kelayotgan yo‘lovchilarga ko‘rsatilayotgan xizmat sifatini oshirish bo‘yicha qilinayotgan ishlar bilan tanishdi

TOShKENT, 2 dek – Sputnik. O‘zbekiston prezidenti Shavkat Mirziyoyev 2-dekabr kuni Toshkent shahrida amalga oshiriladigan bunyodkorlik loyihalari bilan tanishdi, deb xabar bermoqda prezident matbuot xizmati.

Xabarda aytilishicha, Shavkat Mirziyoyev Islom Karimov nomidagi "Toshkent" xalqaro aeroportiga tashrif buyurdi.

Zona besposhlinnoy torgovli Duty free Winston - Sputnik O‘zbekiston
Toshkent aeroporti Duty Free do‘konida tovarlar milliy valyutada sotilishi joriy etildi

Bu yerda "Toshkent-4" xalqaro yo‘lovchi terminali qurilishi rejalashtirilgan. Bugungi kunda yangi inshoot loyihasining texnik-iqtisodiy asoslari takomillashtirildi.

Loyiha O‘zbekiston va Janubiy Koreyaning bank va jamg‘armalari hisobidan moliyalashtiriladi. Yangi xalqaro aeroportda soatiga 1,5 ming yo‘lovchiga xizmat ko‘rsatish imkoniyati yaratiladi.

Prezident mablag‘lardan samarali foydalanish, qurilish ishlarini boshlash uchun hududni tayyorlash va infratuzilmani rivojlantirish bo‘yicha topshiriqlar berdi.

Shavkat Mirziyoyev xalqaro yo‘nalishlarda uchib kelayotgan yo‘lovchilarga ko‘rsatilayotgan xizmat sifatini oshirish bo‘yicha qilinayotgan ishlar bilan tanishdi, qayta qurilayotgan kutish zalini ham borib ko‘rdi. Bu yerda zamonaviy mehmonxona qurish, axborot texnologiyalari asosida zamonaviy xizmat ko‘rsatishni yo‘lga qo‘yish bo‘yicha ko‘rsatmalar berdi.

"Aeroport O‘zbekistonning ostonasi. Shu bois bu yerda mehmonlar uchun barcha sharoit va qulayliklar bo‘lishi kerak", dedi prezident.

Yangiliklar lentasi
0