TOShKENT, 27 noya — Sputnik. Rossiyadagi migrantlarning 10 foizini O‘zbekiston fuqarolari tashkil qiladi. Bu haqda Ichki ishlar vaziri o‘rinbosari Igor Zubovga tayangan holda RIA Novosti xabar qildi.
"Rossiyadagi migrantlarning 10 foizini O‘zbekiston fuqarolari tashkil qiladi. Ushbu raqam qariyb 1 million kishini tashkil qiladi. Ularning ko‘pchiligi Rossiyada qonuniy mehnat faoliyati bilan shug‘ullanib keladi", — deya ta’kidladi Zubov.
Bu raqamlarni IIV vazir o‘rinbosari Federatsiya kengashi ko‘mita yig‘ilishida O‘zbekiston fuqarolarini Rossiyada ishga joylashtirish to‘g‘risida bitimni ratifikatsiya qilish bo‘yicha qonun loyihasini muhokama qilish jarayonida aytib o‘tgandi.
Uning ma’lumotlariga ko‘ra, shu yilda xorijiy fuqarolarga berilgan patentlarning qariyb 50 foizi (765,8 ming patent) O‘zbekiston fuqarolariga rasmiylashtirilgan. "Ushbu raqamlar O‘zbekiston fuqarolari qanchalik qonunga itoatkor ekanligini ko‘rsatadi", — dedi vazir o‘rinbosari.
"Ushbu bitim kelgusida Rossiyada bo‘lish qoidalarini buzish va noqonuniy mehnat migratsiyasi holatlarini kamaytirishga xizmat qiladi", — dedi Zubov.
Zubovning so‘zlariga qaraganda, bitim O‘zbekistonda vakolatxonalar ochilib, ularda mehnat migrantlari ishga joylashtirish uchun zaruriy tadbirlar amalga oshiriladi. Shundan keyin fuqarolar aniq ish joyiga Rossiyaga kelishadi.
