TOShKENT, 24 noya — Sputnik. O‘zbek futboli ishqibozlariga O‘zbekiston Futbol federatsiyasi, kelasi yildan tashkil etiladigan Super liga va Pro-ligalar uchun logotiplar yaratish tanlovida qatnashish taklif etilmoqda.
“Agarda siz bu tarixning bir bo‘lagi bo‘lishni va futbolimiz rivojiga o‘z hissangizni qo‘shishni istasangiz, bunday imkoniyatni qo‘ldan boy bermang. Shu yilning 1-dekabridan boshlanadigan tanlovda siz o‘z variantlaringizni taqdim etib, qimmatbaho sovrinlar yutib olishingiz va albatta futbolimiz tarixiga kirishingiz mumkin”, — deyiladi O‘FF xabarida.
Eslatib o‘tamiz, yaqinda O‘zbekiston Professional futbol ligasi Ijroiya Qo‘mitasi oliy liga musobaqasi kelasi mavsumdan boshlab “O‘zbekiston Superligasi”, birinchi liga esa “O‘zbekiston PRO-ligasi” deb nomlanishi borasida qaror qabul qilgandi.
