TOShKENT, 24 noya — Sputnik. Inauguratsiya marosimida prezident Sooronbay Jeenbekov korrupsiyaga qarshi ayovsiz kurashishini aytdi, deb yozadi Sputnik Qirg‘iziston.
U hokimiyat faoliyati shaffof bo‘lmaguncha mamlakat rivojlana olmasligini aytdi.
"Ota bobolarimiz aytishgan: "Agar bir kishiga rahbarlik qilsang ham senda ming kishining halolligi va vijdonliligi bo‘lsin. Rahbar bo‘lishga intilgan har bir inson birinchi navbatda o‘zi halol va pok bo‘lsin", — dedi prezident.
Jeenbekov demokratiya — bu nafaqat erkinlik, balki mas’uliyat ham ekanligini eslatib o‘tdi.
"Men prezident sifatida hokimiyatning barcha bo‘g‘inlari oldiga keskin talablar qo‘yaman. Faoliyatimning eng ustuvor yo‘nalishi korrupsiyaga qarshi kurash bo‘ladi. Asosiysi, bizda daxlsizlar yo‘q va bo‘lmaydi ham", — dedi Jeenbekov.
U huquqni muhofaza qilish va organlaridagi korrupsiyani tag-tomiri bilan quritish zarurligini, ularning vazifasi biznes va fuqarolar manfaatlarini himoya qilish bo‘lishi shartligini qo‘shimcha qildi.
