TOShKENT, 23 noya — Sputnik. Hyundai avtomobil zavodi O‘zbekistonda yengil avtomobillar ishlab chiqarmaydi, deb ma’lum qildi Kia Motors Uzbekistan vakolatxonasi.
Respublikada Hyundai avtomobil ishlab chiqarish boshlanishi to‘g‘risidagi xabar katta shov-shuv keltirib chiqargandi. Ko‘pchilik endi GM Uzbekistan monopoliyasini tugatiladi deb o‘yladi. Afsuski, Janubiy Koreya kompaniya vakillari raddiya berishdi.
"Biz bir qator kichik, o‘rta va og‘ir yuk ko‘taruvchi mashinalar, shahar, shaharlararo va sayyohlik toifadagi avtobuslar, shuningdek maxsus texnika ishlab chiqarishni rejalashtirmoqdamiz. Loyiha xorijiy kompaniyalarning to‘g‘ridan-to‘g‘ri kiritiladigan qiymati 200 million dollarlik investitsiyalar hisobidan amalga oshirish ko‘zda tutilgan", — deb ta’kidlandi kompaniyada.
Bundan tashqari, Kia Motors Uzbekistan ma’lumotlariga qaraganda, respublikada vilkali yuk ortuvchi mashinalar ishlab chiqarilishi yo‘lga qo‘yiladi. Ushbu loyihani amalga oshirish uchun 50 million dollar mablag‘ yo‘naltiriladi.
Barcha loyihalarni MDHdagi KIA va Hyundai rasmiy distribyuterlari bo‘lgan — Evergreen Motors kompaniyasi tomonidan amalga oshiriladi.
Shu kunlarda kompaniya O‘zbekistonda 2019-yildan boshlab Chevrolet Tracker va yangilangan Chevrolet Cobalt avtomobillari ishlab chiqarila boshlanishi ma’lum qilgandi.
Yangi avtomobil 1,8 litr hajmga va 140 ot kuchiga ega bo‘lgan dvigatel bilan jihozlangan bo‘lib, 100 km masofani bosib o‘tish uchun 8,1 litr yonilg‘i sarflaydi. Yangi avtomobilni ishlab chiqarish to‘liy jarayon bo‘yicha: kuzov detallarini qolipdan chiqarish, payvandlash, bo‘yash va jamlash orqali amalga oshiriladi. Avtomobilni lokalizatsiya qilish darajasi 50%dan oshishi kutilmoqda.
