TOShKENT, 18 noya – Sputnik. AQSh davlat departamenti yangi yil bayramida Yevropaga borishni mo‘ljallagan amerikaliklar uchun ogohlantirish e’lon qildi. E’lon departament saytida keltirilgan.
"Ekstremistlar turistik obyektlar, transport tizimi, bozor, savdo markazlari va mahalliy hukumat binolariga hujum qilishni ko‘zlashda davom etishmoqda. Bundan tashqari, mehmonxonalar, restoranlar, ommaviy ko‘ngilochar maskanlar, o‘quv muassasalari, aeroportlar ehtimoliy hujumlar uchun ustuvor nishon bo‘lib qolmoqda", deyiladi xabarda.
Davlat departamenti Fransiya, Shvetsiya, Rossiya, Ispaniya va Finlyandiyada sodir bo‘lgan teraktlarni eslatib o‘tgan.
