TOShKENT, 15 noya — Sputnik. O‘zbekistonda yana bitta oliy ta’lim muassasasi tashkil qilinishi mumkin, deb xabar bergan "Xalq so‘zi" nashri.
14 Noyabr 2017, 16:03
O‘zbekiston Respublikasi Prezidenti Shavkat Mirziyoyev raisligida 13-noyabr kuni geologiya-qidiruv ishlari samaradorligini oshirish, mineral-xomashyo va qimmatbaho metallar resurs bazasi hamda ishlab chiqarish hajmini ko‘paytirish bo‘yicha muhim strategik loyihalarni amalga oshirish masalalariga bag‘ishlangan yig‘ilish o‘tkazildi.
Yig‘ilishda kadrlar tayyorlash masalasiga ham alohida e’tibor qaratildi.
Jumladan, sohani zamonaviy mutaxassislar bilan ta’minlash uchun Davlat geologiya va mineral resurslar qo‘mitasi huzurida ixtisoslashgan oliy ta’lim muassasasi tashkil etish, unda ilmiy izlanishlarga katta ahamiyat qaratish, ishlab chiqarish korxonalari va ta’lim tizimi o‘rtasidagi hamkorlikni mustahkamlash zarurligi ta’kidlandi.
