TOShKENT, 13 noya — Sputnik. O‘zbekiston Respublikasi prezidenti Shavkat Mirziyoyev Eron Islom Respublikasi Prezidenti Hasan Ruhoniyga hamdardlik bildirdi, deb xabar qildi O‘zbekiston prezidenti matbuot-xizmati.
Eron-Iroq bilan chegarasida ro‘y bergan zilzila oqibatida jabrlanganlar soni 2,5 ming nafarga yetdi. Kamida 210 kishi halok bo‘ldi. Bu haqda Tez yordam rahbari Pir Husayn Kulivand mahalliy telekanallarga xabar qilgan.
Eslatib o‘tamiz, 12-noyabr, yakshanba kuni kechqurun kuni Eron-Iroq chegarasida 7,2 ballli zilzila yuz berdi. Zilzila o‘chog‘i 10 km chuqurlikda joylashganligi xabar qilinmoqda.
Qizil yarimoy jamiyati xabariga ko‘ra, 70 mingga yaqin kishi boshpanasiz qolgan. Ular uchun ayni vaqtda palatkalar qo‘yilmoqda. Eron prezidenti Hasan Ruhoniy barcha jabrlanganlarga zudlik bilan kerakli yorlamni ko‘rsatish bo‘yicha buyruq bergan. Eron IIV rahbari esa falokat oqibatida vujudga kelgan masalalarga yechim topish bo‘yicha favqulodda kengash chaqirgan.
