TOShKENT, 10 noya – Sputnik. O‘zbekiston ichki ishlar vaziri general-mayor Po‘lat Bobojonov bugun Moskvada Rossiya ichki ishlar vaziri politsiya generali Vladimir Kolokolsev bilan uchrashdi. Bu haqda Rossiya IIV matbuot xizmati xabar berdi.
Rossiya IIV rahbari bugungi kunda O‘zbekiston va Rossiya ichki ishlar organlari o‘rtasidagi hamkorlik izchil rivojlanayotganini qayd etdi.
Shuningdek u migratsiya yo‘nalishidagi ishlarni yanada faollashtirish lozimligini qayd etdi.
"Migratsiya masalasi ekstremizm va terrorizm kabi zamonaviy tahdidlar bilan sezilarli darajada bog‘liq", dedi Kolokolsev.
Shuningdek, Rossiya IIV o‘zbekistonlik mutaxassislarni oliy ta’lim dasturi yo‘nalishlarida va jinoyatchilikka qarshi kurash yo‘nalishida malaka oshirish kurslarida o‘qitishni davom ettirishga tayyorligi bildirildi.
