TOSHKENT, 2 noya — Sputnik. Oʻzbekistonda ishlovchi shifokor pensionerlarga nafaqa toʻliq miqdorda toʻlanadi. Ushbu yangicha tartib Normativ huquqiy hujjatlar muhokama qilish portalida umumiy muhokama qoʻyilgan prezident qarori loyihasida qayd etilgan.
Eslatib oʻtamiz, amaldagi qonunchilikka koʻra ishlayotgan shifokor pensionerlar ish haqlarini 100 foiz, pensiyalarini esa 50 foiz miqdorda olishadi.
Shuningdek, ushbu qaror loyihasida xususiy tibbiyot tarmogʻi va sogʻliqni saqlash sohalarini yanada rivojlantirish boʻyicha boshqa yangiliklar bayon etilgan.
Ushbu hujjat loyihasi 2017 yil 16 noyabriga qadar muhokama qilib, 27 noyabrdan kuchga kiritish koʻzda tutilmoqda.
Qaror loyihasini oʻqib, sohaga daxldor kishilar u haqdagi fikr mulohazalarini bildirishlari mumkin.
