TOShKENT, 27 okt — Sputnik. 27-28 oktabr kunlari O‘zbekiston hududida shamol tezligi 15-20 m/s gacha kuchayadi, deb xabar qiladi "O‘zgidromet" markazi.
Xabarda aytilishicha, Qoraqalpog‘iston Respublikasi, Buxoro, Navoiy, Samarqand, Toshkent, Jizzax, Sirdaryo, Qashqadaryo, Surxodaryo, Andijon, Namangan, Farg‘ona viloyatlarida shamol tezligi 12-17 m/s gacha kuchayishi mumkin.
Respublika bo‘ylab havo harorati 29-31 oktabr kunlari kunduzi +27 +33 darajadaga ko‘tarilishi mumkin. Kechasi esa +7 +17 darajada bo‘ladi.
27 oktabr kuni Qoraqalpog‘iston Respublikasi, Xorazm viloyatlarida va 28-oktabr kuni Toshkentda qisqa muddatli yomg‘ir yog‘ishi kutilmoqda.
Eslatib o‘tamiz, 17-oktabr kuni Toshkent shahrida va Buxoro viloyati hududida 32 m/s tezlikda shamol kuzatilgandi.
Kuchli shamol oqibatida bir kishi vafot etdi. Shamol uylar va binolarning tomlari, avtomobillarga zarar yetkazdi. Elektr tarmoqlarining uzilishi tufayli elektr ta’minotida qisqa muddatli uzilishlar sodir bo‘ldi.
