"Men o‘zimni kechirolmayman": Islom To‘laganovning so‘nggi so‘zi - video

Menga jazo tayinlashda, Jasurbekka nisbatan qasdim bo‘lmaganini, fojia bo‘lishini o‘ylamaganim, yoshimni, ilgari sudlanmaganimni inobatga olib, adolatli jazo tayinlashlaringizga ishonaman", — dedi so‘nggi so‘z o‘rnida Jasur Ibrohimov o‘limida ayblanayotgan Islombek To‘laganov.

"Agar Jasurbekka nisbatan qasdim bo‘lganida, men unga o‘qishning ichidayoq qo‘l ko‘targan bo‘lardim. Men unga javob qaytarardim. Meni ota-onam "hech kimni hafa qilma, urushma" deb, "kattalarga izzatda, kichkinalarga hurmatda bo‘l", deb tarbiya bergan.

Men ularning maslahatlariga quloq solganman. Ikkinchi sonli kasalxona vrachlari to‘g‘ri tashxis qo‘yib, sifatli tibbiy yordam ko‘rsatganida, Jasurbek vafot etmagan bo‘lardi. Jasurbek mard inson edi. U bilan salom-aligimiz yaxshi edi. U yerda 2-sonli (kasalxona) vrachlarining ham aybi juda ko‘p.

Hurmatli raislik etuvchi, xalq maslahatchilari!

Menga jazo tayinlashda, Jasurbekka nisbatan qasdim bo‘lmaganini, fojia bo‘lishini o‘ylamagandim, yoshimni, ilgari sudlanmaganimni inobatga olib, adolatli jazo tayinlashlaringizga ishonaman", — deb o‘z so‘ziga yakun yasadi To‘laganov.