TOShKENT, 27 okt – Sputnik. "O‘zbekfilm" aksiyadorlik jamiyati direktori Hilol Nasimov lavozimidan ozod qilindi. Bu haqda "O‘zbekkino" milliy agentligi matbuot xizmati xabar berdi.
Xabarda aytilishicha, bugun "O‘zbekfilm" aksiyadorlik jamiyatining navbatdan tashqari yig‘ilishi bo‘lib o‘tdi. Unda kinostudiyaning bugungi holati, mavjud kamchilik va muammolari muhokama qilindi.
Korxonani sog‘lomlashtirish va uni qayta shakllantirish yuzasidan taklif va mulohazalar tinglandi.
Yig‘ilishda tashkiliy masala ham ko‘rilgani, Hilol Nasimov boshqa ishga o‘tganligi munosabati bilan aksiyadorlik jamiyati direktorligi lavozimidan ozod qilingani aytiladi xabarda.
Shuningdek, jamiyatning moliyaviy-iqtisodiy ahvolini tahlil qilish va kelgusida rejalashtirilgan ishlarni amalga oshirish bo‘yicha ishchi guruhi tuzilgan.
