TOShKENT, 22 okt — Sputnik. O‘zbekiston prezidenti Shavkat Mirziyoyev 21-oktabr kuni “Turkiya Respublikasi fuqarolari uchun viza olish jarayonini osonlashtirish to‘g‘risida”gi 3347-sonli qarorni imzoladi, deb xabar qilmlqda Davlat Turizm qo‘mitasi.
Bundan buyon O‘zbekistonga bir yilgacha muddatga kelayotgan Turkiya fuqarolariga ko‘p martali vizalar uch kun ichida rasmiylashtiriladi. Shu bilan birga, O‘zbekistondan jimoniy yoki yuridik shaxsdan taklifnoma yuborish talabi bekor qilindi.
Hujjatda aytilishiga ko‘ra, u O‘zbekiston va Turkiya orasida siyosiy, savdo-iqtisodiy, ilmiy-texnik va madaniy hamkorlikni rivojlantirishga qaratilgan.
O‘zbekistonga bir oygacha muddatga, sayyohlik maqsadida kelayotgan Turkiya fuqarolari ham uch kun ichida viza olishlari mumkin bo‘ladi. Bundan buyon turistik vaucher va taklifnoma talab qilinmaydi.
