TOShKENT, 20 okt – Sputnik. Oktabr oyi oxirida "Toshkent – Andijon – O‘sh – Irkeshtom – Qoshg‘ar" yo‘nalishi bo‘yicha avtomobil qatnovini sinovdan o‘tkazish rejalashtirilgan.
19 oktabr kuni Qirg‘iziston tashabbusiga ko‘ra prezident Almazbek Atamboyev va Shavkat Mirziyoyev o‘rtasida o‘tgan telefon muloqotida ushbu masala muhim ahamiyatga ega ekani qayd etildi. Bu haqda prezident matbuot xizmati xabar berdi.
Eslatib o‘tamiz, shu yilning sentabr oyi boshida O‘zbekiston va Qirg‘iziston prezidentlari O‘zbekiston, Qirg‘iziston va Xitoyni birlashtiruvchi transmilliy avtomagistral yo‘li qurishga kelishib olishgandi.
Shuningdek, o‘zaro uchrashuv davomida prezidentlar Xitoy-Qirg‘iziston-O‘zbekiston temir yo‘li qurilishini tezlashtirish masalasini ham muhokama qilishgandi.
