TOShKENT, 13 okt — Sputnik. 2017-yilning 12-oktabr kuni "O‘zbekiston havo yo‘llari" MAKning samolyotida Rossiya Federatsiyasining Vladimir viloyatida sodir bo‘lgan YTH oqibatida vafot etgan O‘zbekiston fuqarosi J.Usmonovning jasadi Toshkentga olib kelindi, deb xabar qildi O‘zbekiston FVV matbuot-xizmati.
Xabarda qayd etilishicha, vafot etgan J.Usmonov FVVning maxsus avtotransportida Surxondaryo viloyatiga olib ketilgan.
2017 yil 6-oktabr kuni Moskva vaqti bilan soat 03:39da Vladimir viloyatining, Petushin tumanidagi Pokrov temir yo‘l stansiyasida poyezd va avtobus to‘qnashuvi sodir bo‘lgan.
YTH natijasida 16 nafar O‘zbekiston fuqarolari vafot etgan, ulardan 15 nafarining jasadlari 2017-yilning 8-oktabr kuni O‘zbekiston Harbiy havo kuchlarining maxsus bortida respublika hududiga olib kelingan edi.
