TOShKENT, 11 okt — Sputnik. Rossiya prezidenti Vladimir Putin birinchi bo‘lib O‘zbekiston yetakchisi Shavkat Mirziyoyevni qutladi.
MDH davlatlari rahbarlari Kengashi yig‘ilishiga kelgan har bir ishtirokchini shaxsan Rossiya prezidentining o‘zi qutladi, so‘ngra qatnashchilar birgalikda suratga tushdilar, deb yozadi RIA Novosti.
MDH rahbarlari yig‘ilishidan oldin O‘zbekiston va Rossiya prezidentlari ikki tomonlama uchrashuv o‘tkazdilar hamda ko‘zlangan rejalarning amalga oshishi borasida fikr almashdilar.
Bugun Sochida MDH davlatlari rahbarlari Kengashi hamda Oliy Yevrosiyo iqtisodiy kengashi yig‘ilishlari bo‘lib o‘tadi.
