TOShKENT, 29 sen — Sputnik. "O‘zbekiston pochtasi" AJ Rossiya, Qozog‘iston, Qirg‘iziston, Ukraina, Belarus, Moldova, Ozarbayjon, Armaniston davlatlariga xalqaro pul o‘tkazmalari almashinuvini qayta yo‘lga qo‘ydi. Bu haqda jamiyat matbuot xizmati xabar bermoqda.
Xabarda aytilishicha, xalqaro pul o‘tkazmalari yuqorida keltirilgan davlatlar pochta muassasalari bilan tuzilgan ikki tomonlama Kelishuvlar doirasida yuridik va jismoniy shaxslardan milliy valyutada qabul qilinadi.
Milliy valyutadagi pul mablag‘lari pul o‘tkazmasini jo‘natish kunida O‘zbekiston Markaziy banki tomonidan belgilangan kurs bo‘yicha "O‘zbekiston pochtasi" AJ tomonidan erkin ayirboshlanadigan valyutada hamkor davlatga yuboriladi.
Shuningdek, MDH davlatlaridan kirib keluvchi xalqaro pul o‘tkazmalari ham mijozlarga pul o‘tkazmasi kelib tushgan kunda Markaziy bank tomonidan belgilangan kurs bo‘yicha milliy valyutada to‘lab beriladi.
