TOShKENT, 28 sen — Sputnik. Rossiya IIV migratsiya masalalari bo‘yicha bosh boshqarmasi boshlig‘i Olga Kirillova chegaradayoq daktiloskopiya o‘tkazish va fotosuratga olishni taklif qildi, deb xabar bermoqda RIA Novosti.
"IIV ulkan resurs yaratmoqda, YeOIH va yaqin xorij ma’lumotlar bazalaridan foydalanmoqda, lekin biz avval hammani kirgizapmiz, keyin esa ularni qidirishga tushapmiz. Menimcha, suratga olish va daktiloskopiya jarayonlari chegarada o‘tkazilishi mantiqan to‘g‘ri bo‘lardi", — degan u.
Uning so‘zlariga ko‘ra, barmoq izlarini va suratga olishni qaysi idora bajarishini ham aniqlab olish kerak.
"Har qanday terakt chegaralarni tegishli tarzda uskuna bilan ta’minlashdan ko‘ra qimmatroq tushadi", — degan u.
Kirillova 2016-yilda Rossiya migratsion qonunchiligi samaradorligini oshirish taklifi bilan chiqqan edi. U mamlakatga kirib kelayotgan xorijliklar ustidan nazoratni chegarada kuchaytirish zarurligini bildirgandi.
