TOShKENT, 27 sen — Sputnik. Rio Olimpiadasi chempioni, o‘zbekistonlik professional bokschi Fazliddin G‘oibnazarov 9-dekabr kuni rossiyalik Andrey Klimovga qarshi ringga chiqadi. Bu haqda olamsport.com xabar bermoqda.
35 yoshli Klimov profi ringda 23 ta jang o‘tkazgan bo‘lib, ularning 19 tasida g‘alaba qozongan. To‘rtta jangda mag‘lubiyat alamini totib ko‘rgan. To‘qqizta jangda raqiblarini nokautga uchratgan.
G‘oibnazarov faoliyatidagi hisob bo‘yicha to‘rtinchi jang 9-dekabr kuni AQShning Nyu-York shahridagi Madison Square Garden arenasida bo‘lib o‘tadi.
Eslatib o‘tamiz, Fazliddin 22-sentabr kuni AQShning Arizona shtati Tuson shahrida meksikalik Viktor Rosasni 80:72, 80:72, 80:72 hisobida mag‘lub etgandi.
