TOShKENT, 27 sen — Sputnik. Qoraqalpog‘iston Respublikasi Sho‘monoy tumanida maydoni 5,88 gektar bo‘lgan brezent ishlab chiqarish korxonasi binosi qurilishi boshlandi. Bu haqda tuman hokimligi rasmiy sayti xabar bermoqda.
17 milliard 200 million so‘m mablag‘ evaziga qurilayotgan korxona texnologiyalari Belgiya, Hindiston davlatlaridan keltiriladi. Bu yerda paxta chiqindisidan brezent mahsuloti ishlab chiqariladi.
Korxona ishga tushsa 300 dan ortiq odam ish o‘rni bilan ta’minlanadi.
Xabarda aytilishicha, bunday brezent to‘qish korxonasi Rossiya, Xitoy davlatlarida bo‘lib, u Markaziy Osiyo davlatlari ichida birdan-bir korxona bo‘ladi.
