TOShKENT, 26 sen — Sputnik. Qozog‘istonning Aytekebiy tuman sudi to‘o‘qiz nafar O‘zbekiston fuqarosi o‘limida aybdor haydovchi Leonid Yeremeyev ustidan hukm o‘qidi, deb xabar qildi qozoq OAVlari.
Mercedes rusumli avtobus ichida 2 nafar haydovchi va 49 yo‘lovchi bo‘lgan.
Yeremeyev sudda ushbu avariya tafsilotlari haqida so‘zlab bergan va rul qarshisida uxlab qolganini tan olgan. Natijada mashina boshqaruvni yo‘qotib, yo‘lning harakat qismidan chiqib ketgan.
Haydovchi 5-yillik jazo muddatini koloniyada o‘taydigan bo‘ldi, shuningdek u 7 yilga avtotransport boshqarishdan mahrum qilindi.
Haydovchi 9 kishining o‘limiga sababchi bo‘lgan avariya uchun kechirim so‘ragan. Hamrohining so‘zlariga ko‘ra, ular har 4 soatda rul almashib turishgan. OAVlarda keltirilayotgan xabarlarga ko‘ra, YTHda tirik qolgan fuqarolar sudda ishtirok eta olishmagan. Halok bo‘lgan fuqarolarning qarindoshlari haydovchidan moddiy da’vo talab qilishmagan.
