TOShKENT, 22 sen — Sputnik. O‘zbekiston Tashqi ishlar vazirligi Konsullik ustavining yangi tahrirdagi loyihasini Vazirlar Mahkamasiga muhokama uchun kiritdi, deb xabar qildi O‘zbekiston Tashqi ishlar vaziri o‘rinbosari Abdurahim Xo‘jayev 21-sentabr kuni O‘zbekiston Respublikasi Milliy matbuot markazida o‘tkazilgan brifingda.
Ta’kidlanishicha, mazkur qonun loyihasiga bir nechta o‘zgartirishlar kiritildi. Jumladan, xorijiy davlatlarda moddiy jihatdan murakkab ahvolga tushib qolgan fuqarolarga O‘zbekistonning diplomatik vakolatxonalari tomonidan moddiy va ma’naviy yordam ko‘rsatish, konsullik mansabdor shaxslarning shaxsiy javobgarlik darajasini oshirish kabilar qonun loyihasidan o‘rin oldi.
Brifingda Xo‘jayev xorijda vaqtincha va doimiy yashab kelayotgan fuqarolarga qulay shart-sharoitlar yaratish borasida qilinayotgan ishlar to‘g‘risida ma’lumot berdi.
