TOShKENT, 21 sen — Sputnik. Rossiya va O‘zbekiston xavfsizlik va huquqni muhofaza qiluvchi organlari terrorizm va ekstremizm qarshi kurash doirasida, ma’lumot almashinuvini kuchaytiradi. Bu haqda RIA Novosti RF Xavfsizlik Kengashi kotibi o‘rinbosari Rashid Nurgaliyevga tayangan holda xabar qildi.
Chorshanba kuni Toshkentda Rossiya-O‘zbekiston xavfsizlik bo‘yicha maslahatlari bo‘lib o‘tdi. Ularni RF Xavfsizlik Kengashi kotibi Nikolay Patrushev va O‘zbekiston prezidenti huzuridagi Xavfsizlik Kengashi kotibi Viktor Maxmudov o‘tkazdilar.
"O‘zbekiston prezidenti Shavkat Mirziyoyevning Moskvaga amalga oshirilgan davlat tashrifi chog‘ida barcha yo‘nalishlar, shu jumladan xavfsizlik yo‘nalishida ham ikki tomonlama hamkorlikni rivojlanishiga yangi turtki berilgani, bo‘lib o‘tgan maslahat ishtirokchilari tomonidan e’tirof etildi. Rossiya va O‘zbekiston vazirlik va idoralarning turli darajadagi aloqalari faollashdi. Shu sababli bugun O‘zbekiston va Rossiya xavfsizlik sohasida aloqalarining istiqbolli masalalari muhokama qilindi", — deb ta’kidladi Nurgaliyev.
Shu bilan birga, Nurgaliyev o‘z nutqida, ikki davlatning tarmoq vazirlik va idoralari tomonidan tezkor axborot almashinuvi, terrorizm va ekstremizmga qarshi kurashishda muhim bo‘lgan holatlar to‘g‘risida ma’lumotlarni taqdim etish ishlarini jadallashtirish ko‘zda tutilganligini ta’kidlab o‘tdi. Ushbu yo‘nalishda hamkorlik MDH va ShHT tashqi ishlar vazirlari kengashi formatida davom etadi.
Muzokaralar davomida ikki tomon fikr-mulohalarining o‘xshashligini namoyon bo‘ldi. Eng avvalo kelgusida hamkorlikni rivojlantirish va yuzaga keladigan muammolarni tezkorlik bilan hal qilishga tayyor ekanligini ko‘rsatmoqda.
Rossiya va O‘zbekiston xavfsizlik kengashining ekspertlari uchrashuvlarini muntazam ravishda o‘tkazib borilishiga kelishib olindi.
