TOShKENT, 21 sen — Sputnik. "Moskva" savdo markazida bo‘lib o‘tgan mojarodan so‘ng 27 yoshli Tojikiston fuqarosi Navruz Karimov reanimatsiya bo‘limiga tushib qoldi. Bu haqda Sputnik Tojikiston Rossiyadagi Tojikiston mehnat, migratsiya va aholi bandligi vazirligining vakolatxonasi matbuot kotibi Ibragim Axmedov so‘zlariga tayangan holda xabar qildi.
Ushbu ma’lumotlarni Tojikiston elchixonasidagi manbaa ham tasdiqladi. Shuningdek, yana bir nechta odam jarohatlanganligi haqida ma’lumotlar bor, lekin ularning millati noma’lum.
"Mushtlashuvda faqatgina Tojikiston fuqarolari ishtirok etmagan. Kecha elchixona vakillari jarohatlanganlar oldiga kiritilmagan. Tojikiston elchixonasi ushbu vaziyatni kuzatib bormoqda", — deb ta’kidladi manbaa.
Bugun ertalab, "Moskva" savdo markazi korovul xizmati xodimlari bilan ommaviy mushlashuv uyushtirmoqchi bo‘lgan 50 dan ortiq migrantlar politsiyachilar tomonidan olib ketilganligi haqida xabar qilgan edik.
