TOShKENT, 18 sen — Sputnik. O‘zbekistonlik yoshlar Orolga ilmiy ekspeditsiyaga yo‘l oldilar.
Orolga safar "Taraqqiyot strategiyasi" va respublika Yoshlar Ittifoqi tomonidan tashkillatirilgan.
Xabarga ko‘ra, 25 nafar yosh olimlar Qoraqalpog‘istonning Mo‘ynoq tumanida o‘z tadqiqotlarini olib boradilar.
Yoshlar uch jamoaga bo‘linadi. Birinchi guruh mintaqaning o‘ziga xos xususiyatlarini ilmiy jihatdan o‘rgansa, ikkinchi guruh turistik marshrutlarni ishlab chiqish bilan shug‘ullanadi, tarkibida jurnalistlar va blogerlar bo‘lgan uchinchi guruh esa safar haqida o‘z foto- va videohisobotlarini tayyorlaydilar.
Ekspeditsiya yakuni bo‘yicha tabiatga yetkazilayotgan zararni minimallashtirish bo‘yicha qator takliflar bildirilib, hujjatli film yaratilishi kutilmoqda.
