TOShKENT, 16 sen — Sputnik. Ko‘ksaroy qarorgohida 16-sentabr kuni O‘zbekistonga davlat tashrifi bilan kelgan Qozog‘iston prezidenti Nursulton Nazarboyevni rasmiy kutib olish marosimi bo‘ldi, deb xabar bermoqda O‘zbekiston prezidenti matbuot xizmati. Oliy martabali mehmon sharafiga faxriy qorovul saf tortdi.
Shavkat Mirziyoyev va Nursulton Nazarboyev shohsupaga ko‘tarildilar. O‘zbekiston va Qozog‘istonning davlat madhiyalari yangradi. Prezidentlar faxriy qorovul safi oldidan o‘tdilar.
Davlat rahbarlari dastlab tor doirada uchrashuv o‘tkazdi. Muloqotda ikki mamlakat o‘rtasidagi hamkorlikni yanada rivojlantirish istiqbollari muhokama qilindi, tomonlarni qiziqtirgan mintaqaviy va xalqaro masalalar yuzasidan fikr almashildi.
