Gorbachov Putinning ijobiy tomonlarini sanab o‘tdi

TOShKENT, 12 sen — Sputnik. Mixail Gorbachev Putinning prezident sifatida ijobiy tomonlarini sanab o‘tdi, deb xabar qildi RIA Novosti.

Sobiq Ittifoqning sobiq prezidenti Mixail Gorbachov Rossiyada bo‘lib o‘tadigan saylovlar haqida to‘xtalar ekan, hozirgi prezidentning "plyus" tomonlari ko‘pligini ta’kidlagan hamda konstitutsiyaviy muddatlarga amal qilish kerakligini qo‘shimcha qilgan.

"Oldinda saylovlar kutapti, hozir bu o‘ta dolzarb mavzu. Prezident masalasi hal bo‘lmoqda… Fikrim shundayki, hozirgi prezidentning "plyus" tomonlari juda ko‘p. Men kamchiliklar borasida matbuotda yoki o‘z chiqishlarimda aytib o‘tishim mumkin edi, ammo hozirgi pozitsiyam eng to‘g‘ri deb o‘ylayman", — degan jurnalistlarga Gorbachov.

Gorbachov, shuningdek "Rossiya qonunlari tomonidan belgilangan tamoyil — har bir prezident belgilangan muddatga amal qilishi kerak", — degan fikrdaligini ma’lum qilgan. "O‘rin almashinuvi rahbarlarni harakatga undaydi", — deb qo‘shimcha qilgan siyosatchi.

"Umuman olganda, biz jamiyatimizni davolashni istar ekanmiz, uni xalqning davlat boshqaruvida ishtiroki orqali davolashimiz darkor. Bu degani, xalq ushbu demokratik jarayonlarni boshdan kechirishi kerak", — deb ta’kidlagan siyosatchi.

Gorbachev demokratik tamoyillarning davlat boshqaruvi va xalqaro siyosatdagi ahamiyatini shunday izohlagan: "Agar xalq ishtirok etsa, xatolar kam bo‘ladi".

Eslatib o‘tamiz, avgust oyi boshida Putin 2018-yilda prezident lavozimiga o‘z nomzodini ilgari surishi borasida berilgan savolga "o‘ylab ko‘raman" deb javob bergan edi.

Shu paytgacha LDPR yetakchisi Vladimir Jirinovskiy, "Yabloko" partiyasidan Grigoriy Yavlinskiylar o‘z nomzodlarini saylovlarda ilgari surishlarini ma’lum qilishgan.

"Spravelivaya Rossiya" va KPRF partiyalari esa bu masalani o‘z qurultoylarida hal etishlarini xabar qilganlar.