TOShKENT, 7 sen — Sputnik. Vladimir Putin ilgariroq Rossiya tomonidan Do‘stlik ordeni bilan taqdirlangan AQSh Bosh kotibi Reks Tillerson "yomon jamoaga" tushib qolgan, deya taxmin qildi. RIA novosti xabariga asosan.
Vladivostok shahrida bo‘lib o‘tayotgan Sharqiy iqtisodiy forumda so‘zlagan nutqi davomida Putin Xitoy hukumati bosh vaziri o‘rinbosarini Do‘stlik ordeni bilan mukofotlash to‘g‘risida farmon imzolaganini ma’lum qildi.
Sessiya moderatori vazifasini Gonkongda faoliyat ko‘rsatuvchi Hang Lung Properties kompaniyasi raisi Ronni Chichung Chan bajargan. Majlis davomida u AQSh fuqaroligiga ega ekanligini ma’lum qilgan.
Vladimir Putin unga qarata shunday dedi: "Biz sizning hamurtingiz janob Tillersonga ham qachonlardir Do‘stlik ordenini taqdim etganmiz. Lekin u "yomon jamoaga" tushib qoldi shekilli, boshqa tomonga burila boshladi. Umid qilamanki, hamkorlik, do‘stlik va o‘zaro hamjihatlik shabadasi oxir-oqibat uni to‘g‘ri yo‘lga olib chiqadi".
