Hodisalar

IIBB "Telegram" orqali oʻziga oʻlja izlagan jinoiy guruh haqida axborot berdi

Obuna boʻlish
NovostiTelegram
SH.Q.Miraliyev avval ikki doʻsti bilan bosqinchilik sodir etishni rejalashtirib oladi, soʻng internetdagi Telegram ijtimoiy tarmogʻi orqali goʻyoki "Liliya" ismli qiz sifatida A.T.Kurbanjanov bilan tanishadi va oradan biroz muddat oʻtib, yigitni uchrashuvga taklif qiladi...

TOSHKENT, 7 sen — Sputnik. 2017 yil 4 sentyabr kuni uch yigit fuqaro Axror Qurbanjanovni urib, uning "Samsung Galaxy DUOS" rusumli uyali telefonini hamda 20 ming soʻm naqd pullarini egallab, jinoyat joyidan yashiringanlar, deb xabar qildi Toshkent shahar IIBB matbuot-xizmati.

Prezident Uzbekistana Shavkat Mirziyoyev - Sputnik Oʻzbekiston
Jamiyat
Prezident voyaga yetmaganlar orasida jinoyatchilik ortganligi uchun rahbarlarga tanbeh berdi
"2017 yilning 4 sentyabr kuni tungi taxminan soat 22:30larda, Abduraxmonov Sarvar Abduxoshim oʻgʻli, Miraliyev Shoxrux Qurbonaliyevich va Axrorov Bobur Baxrom oʻgʻli, oʻzaro oldindan jinoiy til biriktirib, bosqinchilik yoʻli bilan oʻzganing mol-mulkini talon-toroj qilish maqsadida, Yunusobod tumani, Amir Temur koʻchasida boʻla turib, fuqaro Kurbanjanov Axror Tursunovichning yoniga kelib, uni qoʻl va oyoqlari bilan urib, "Samsung Galaxy DUOS" rusumli uyali telefonini hamda 20.000 soʻm naqd pullarini egallab, jinoyat joyidan yashiringanlar", — deyiladi xabarda.

Jinoyat ishi yuzasidan olib borilgan dastlabki tergov davrida SH.Q.Miraliyev, jinoyat sodir etilishidan bir necha kun avval, tanishlari S.A.Abduraxmonov va B.B.Axrorov bilan bosqinchilik sodir etishni rejalashtirib olganliklari, soʻng SH.Q.Miraliyev internet orqali goʻyoki "Liliya" ismli qiz sifatida A.T.Kurbanjanov bilan tanishganligi va u bilan "Telegram" ijtimoiy tarmogʻi orqali suxbatlashib turganliklari, oradan biroz muddat oʻtib, u Kurbanjanovni uchrashuvga taklif qilganligi, oʻz navbatida SH.Q.Miraliyev, mazkur jinoyatni sodir etishdagi sheriklari bilan avvaldan uchrashib olib, Amir Temur koʻchasi, 115-uyning yoniga kelganliklari, Kurbanjanov ham shu yerga kelgan vaqtida uni urib, uyali telefoni va pullarini olib qoʻyib, hodisa joyidan yashiringanliklari aniqlangan.

Mazkur jinoyatni sodir etganlikda SH.Q.Miraliyev, S.A.Abduraxmonov va B.B.Axrorovlarning aybi toʻliq isbotlanib, ularga Oʻzbekiston Respublikasi Jinoyat kodeksining 164-moddasi 2-qismi "b" bandi (bosqinchilik, yaʼni bir guruh shaxslar tomonidan oldindan til biriktirib, oʻzganing mulkini talon-toroj qilish maqsadida hujum qilish) bilan ayblov eʼlon qilindi.

Yangiliklar lentasi
0