TOSHKENT, 7 sen — Sputnik. Oʻzbekistondagi banklarda 6 sentyabrdan boshlab valyuta ayirboshlash punktlari 9.00dan 22.00ga qadar tushlik tanaffusisiz faoliyat yuritadi.
Mehmonxonalar, aeroportlar va temiryoʻl vokzallaridagi valyuta ayriboshlash shoxobchalari esa uzluksiz ravishda, tanaffussiz ishlaydi.
Eslatib oʻtamiz, Oʻzbekiston prezidenti Shavkat Mirziyoyevning oʻtgan dam olish kunlarida valyuta siyosatini liberallashtirish boʻyicha dastlabki chora-tadbirlar toʻgʻrisidagi Farmonni imzolagan edi.
Hujjatga muvofiq endilikda jismoniy shaxslarga chet el valyutasini olish va sotish tartiblari soddalashtirilishi nazarda tutilgandi.
