Shavkat Mirziyoyevning Qirg‘izistonga davlat tashrifi yakunlandi

© Ofitsialniy sayt prezidenta KirgizstanaPrezident Uzbekistana Shavkat Mirziyoyev s suprugoy v aeroportu Manas
Prezident Uzbekistana Shavkat Mirziyoyev s suprugoy v aeroportu Manas - Sputnik O‘zbekiston
Obuna bo‘lish
Bugun 6-sentabr kuni O‘zbekiston prezidenti Shavkat Mirziyoyevning Qirg‘izistonga davlat tashrifi yakuniga yetdi

TOShKENT, 6 sen — Sputnik. Bugun, 6-sentabr kuni O‘zbekiston prezidenti Shavkat Mirziyoyevning Qirg‘iziston Respublikasiga davlattashrifi nihoyasiga yetdi.

Prezident Almazbek Atambayev "Manas" xalqaro aeroportida O‘zbekiston prezidenti Shavkat Mirziyoyevni vataniga kuzatib qo‘ydi.

Tadbirda ikki davlat rasmiy delegatsiyalari vakillari ishtirok etishdi.

Qirg‘iziston respublikasiga uyushtirilgan davlat tashrifi doirasida Shavkat Mirziyoyev va Qirg‘iziston prezidenti Almazbek Atambayev tor va kengaytirilgan tarkibda ikki tomonlama muzokaralarni o‘tkazdilar.

Qirg‘iziston prezidenti Almazbek Atambayev va O‘zbekiston prezidenti Shavkat Mirziyoyev uchrashuvi - Sputnik O‘zbekiston
"O‘rtamizda chegara emas, do‘stlik darvozalari bo‘ladi" - ikki prezidentdan va’da
Davlat rahbarlari O‘zbekiston bilan Qirg‘iziston o‘rtasidagi hamkorlikni imkon qadar chuqurlashtirish ikki mamlakat xalqlarining tub manfaatlariga xizmat qilishini ta’kidladilar. Tomonlar bo‘lib o‘tgan muzokaralar va tashrif davomida imzolangan hujjatlar turli sohalarda ikki tomonlama hamkorlikni yanada rivojlantirishga yangidan katta turtki bo‘lishiga, mintaqada tinchlik va barqarorlikni mustahkamlash hamda uning barqaror rivojlanishi va ravnaq topishiga ko‘mak berishiga ishonch bildirdilar.

Tomonlar 2018-yilda O‘zbekiston Respublikasi bilan Qirg‘iziston Respublikasi o‘rtasida diplomatik munosabatlar o‘rnatilganligining 25-yilligiga bag‘ishlangan qator qo‘shma tadbirlarni o‘tkazishga kelishib oldilar.

O‘zbekiston Respublikasi Prezidenti Shavkat Mirziyoyev Qirg‘iziston Respublikasi Prezidenti Almazbek Atambayevga va barcha qirg‘iz xalqiga o‘zbek delegatsiyasiga ko‘rsatilgan mehmondo‘stlik, iliq va do‘stona qabul uchun minnatdorchilik bildirdi hamda Qirg‘iziston Respublikasi Prezidenti Almazbek Atambayevga javob tariqasida davlat tashrifi bilan O‘zbekistonda bo‘lishni taklif qildi. Tashrifning aniq muddatlari diplomatik kanallar orqali kelishiladi.

Yangiliklar lentasi
0