Oʻzbekiston prezidenti Shavkat Mirziyoyevning Qirgʻizistonga davlat tashrifi nihoyasiga yetdi.
Oʻzbekiston rahbariga turmush oʻrtogʻi Ziroatxon Hoshimova, Qirgʻiziston prezidentiga esa turmush oʻrtogʻi Raisa Atambayeva hamrohlik qildi.
Almazbek Atambayev "Manas" xalqaro aeroportida hamkasbi Shavkat Mirziyoyevni kuzatib qoʻydi. Kuzatish marosimida har ikki davlat rasmiy delegatsiyalari aʼzolari ishtirok etishdi.
Davlat tashrifi doirasida prezidentlar tor va keng shaklda muzokaralar oʻtkazdilar, keng miqyosdagi masalalar yuzasidan fikr almashdilar, ikki tomonlama hamkorlikning barcha qirralari va kelgusida hamkorlikni yanada kuchaytirish istiqbollari muhokama qilindi.
Tashrif davomida qator hujjatlar imzolandi.
