TOShKENT, 5 sen — Sputnik. Rossiya prezidenti Vladimir Putinga AQSh prezidenti Donald Trampdan hafsalasi sovigan-sovimaganligi haqida savol berildi.
"Hafsala sovishi-sovimasligi haqida… savolingiz juda jo‘n. Tramp menga kelin emas, men ham unga na kelin na kuyovman. Biz davlatchilik faoliyati bilan shug‘ullanamiz, har bir davlatning o‘z manfaati bor", — dedi Putin Xitoydagi BRIKS sammiti matbuot anjumanida.
"Tramp o‘zining faoliyatida AQShning milliy manfaatlari asosida ish ko‘radi, men o‘zimni davlatimni manfaatlari asosida ish olib boraman", — deb qo‘shimcha qildi Putin.
Shuningdek, Rossiyaning AQSh bilan hamkorlik qilish masalasi haqidagi savolga prezident Putin Avstriyani Avstraliya bilan adashtiradigan odamlar bilan muloqot qilish qiyinligini ta’kidladi.
"Avstriyani Avstraliya bilan adashtiradigan odamlar bilan muloqot qilish qiyin. Lekin bu bilan hech narsa qilib bo‘lmaydi. AQSh isteblishmentining ma’lum qismida siyosiy madaniyat darajasi shunday shekilli", — dedi Putin.
