TOShKENT, 5 sen — Sputnik. O‘zbekiston hukumati tomonidan amalga oshirilayotgan valyuta islohotiga munosabatini o‘rganish maqsadida Sputnik so‘rov o‘tkazdi.
So‘rov natijalariga ko‘ra, ko‘pchilik fuqarolar valyuta islohoti respublikaning iqtisodiyoti uchun ijobiy ta’sir qiladi degan fikrni qo‘llab-quvvatlaganlar. Jumladan, 39,5 foiz so‘rovda qatnashganlar hukumat tomonidan amalga oshirilayotgan valyuta islohotini ijobiy baholashgan.
23,4 foiz fuqarolar valyuta siyosatiga faylasuflik nuqtayi nazardan qarab, bu muqarrar jarayon ekanligi va buni o‘tkazib olish zarurligini ma’lum qilganlar.
Erkin konvertatsiya haqida yangilikni ishonchsizlik bilan qarshi olganlar ham bo‘ldi. Jumladan, 17,9 foiz odamlar hech narsa o‘zgarmaydi — "valyuta qora bozori" baribir qoladi, faqatgina boshqa tariflar bilan birga faoliyat yuritadi, deb fikr bildirganlar.
10,2 % odamlar kelgusi vaziyatni rivojlanishi bevosita valyuta kursiga bog‘liq bo‘ladi deb fikr bildirishgan.
7,4 % odamlar erkin konvertatsiya natijasida narx-navolar oshib ketadi va xalq o‘z mablag‘ini yo‘qotadi degan fikrni qo‘llab quvvatlashgan.
1,5 foiz so‘rovda qatnashganlar valyuta davlat tomonidan tartibga solinishi kerak degan bandga o‘z ovozlarini berganlar.
So‘rovda jami 1041 kishi ishtirok etdi.
