TOShKENT, 29 avg — Sputnik. Qirg‘iziston bosh vaziri Sapar Isakov va "Gazprom" rahbari Aleksey Miller Buxoro gazli tumani — Toshkent — Bishkek — Olma-Ota I va II magistral gaz quvurini ishga tushirish jarayonida ishtirok etdilar, deb xabar qilmoqda Sputnik Qirg‘iziston.
"Gazprom Qirg‘iziston" kompaniyasi matbuot-xizmati ma’lumotiga ko‘ra, gaz quvuri nafaqat Qirg‘iziston shimoliy qismini balki Qozog‘istonning Olma-Ota va Taldi-Kurgan viloyatlarini gaz bilan ta’minlaydi.
Ushbu gaz quvur 40-yil avval barpo etilgan. Lekin Qirg‘iziston hududi orqali o‘tgan qismida biron marta ham ta’mirlash ishlari amalga oshirilmagan.
Gaz quvurning 111 km qismida ta’mirlash ishlari bajarilgan.
Gaz quvuri qozoq-qirg‘iz chegarasidan "Sokuluk" stansiyasigacha tushirildi. Gaz quvuri yiliga 1,7 mlrd kub metr gaz ishlab chiqarish quvvatiga ega.
"Gazprom" rahbari Millerning so‘zlariga ko‘ra, ta’mirdan chiqqan gaz quvurining o‘tkazuvchanlik quvvati ikki baravarga ortgan.
Gaz quvuri ochilishining birinchi kunida "Ola-Too" turar massivida istiqomat qiluvchi 6 mingdan ortiq kishi tabiiy gaz bilan ta’minlangan.
