TOShKENT, 28 avg — Sputnik. Toshkentda 18-23 sentabr kunlari O‘zbekiston-Germaniya biznes-forumi o‘tkaziladi, deb xabar qildi O‘zbekiston Savdo-sanoat palatasi.
Xabarda aytilishicha, Forumda tabiiy va gidrotexnik toshlar, datchiklar, avtomobil ehtiyot qismlari, neft asbob uskunlar, qurilish materiallar, gidravlika, plassmass va o‘ram uskunalarini ishlab chiqaruvchi kompaniyalar ishtirok etadi.
O‘zbekiston tomoni respublikada investitsion imkoniyatlar va eksport-import moliyaviy holati haqida ma’lumot taqdim etiladi.
Eslatib o‘tamiz, mart oyida O‘zbekiston-Germaniya qo‘shma korxonasi MAN Auto-Uzbekistan 2017-yilda Toshkent avtoparklari uchun metan gazida yuradigan avtobuslar ishlab chiqarishi haqida xabar bergan edik.
Toshkent avtoparklari 2019-yilga qadar ekologik toza yonilg‘ida yuradigan avtobuslarga o‘tadi. Bu yil hukumat qaroriga binoan 320 ta gazda yuradigan avtobus sotib olinadi.
