Janubiy koreya Toshkentda zargarlik buyumlarini ishlab chiqaruvchi korxona ochmoqchi

TOShKENT, 7 avg — Sputnik. O‘zbekiston Respublikasi Tashqi iqtisodiy faoliyat milliy banki huzuridagi Kichik biznes va xususiy tadbirkorlik subyektlarining eksportini qo‘llab-quvvatlash jamg‘armasi bilan Koreya Respublikasining zargarlik buyumlari ishlab chiqaruvchilari assotsiatsiyasi vakillarining uchrashuvi bo‘lib o‘tdi, deb xabar berdi O‘zbekiston Hukumat portali.

Xabarda aytilishicha, Koreya Respublikasi o‘rtasidadagi hamkorlik aloqalarini yanada rivojlantirish doirasida O‘zbekistonda zargarlik buyumlari ishlab chiqarishni kengaytirish va bozor talablarini o‘rganish asosida eksport qilish imkoniyatlarini oshirish masalalari muhokama qilingan.

— O‘zbekistonga tashrifimizdan asosiy maqsad Toshkentda zargarlik buyumlari ishlab chiqaruvchi korxona faoliyatini yo‘lga qo‘yish imkoniyatlarini o‘rganishdir. Mahsulotlarni Koreya Respublikasi va boshqa mamlakatlarga eksport qilishni rejalashtirmoqdamiz. Hamkorlik doirasida bu yerda maxsus o‘quv fakultetini tashkil etishni ham mo‘ljallamoqdamiz", — degan assotsiatsiya raisi Bong Cing Li.